Mat 17 | Ndebele | STEP | Lemva kwensuku eziyisithupha uJesu wathatha uPetro loJakobe loJohane umfowabo, wasekhwela labo entabeni ende bebodwa .

ap2 Sam 22:6,19; Jobe 3:12, 30:27, 41:11; Hlab 17:13, 18:5,18, 21:3, 59:10, 79:8, 88:13, 119:147,148; Isa 21:14; Amos 9:10; 1 Thes 4:15

aq 18:12

ar Roma 13:7

as 22:17,19; Mark 12:14

at 5:29

av 17:24,27

Matthew 17

Ukukhazimuliswa kukaJesu entabeni

1 Lemva kwensuku eziyisithupha uJesu wathatha ^a uPetro loJakobe loJohane umfowabo, wasekhwela labo entabeni ende bebodwa ^b. 2 Waseguqulwa isimo phambi kwabo, njalo ubuso bakhe bakhanya njengelanga, lezembatho zakhe zaba mhlophe njengokukhanya. 3 Futhi khangela, kwasekubonakala kubo uMozisi loElija, bekhuluma laye ^c. 4 UPetro wasephendula wathi kuJesu: Nkosi, kuhle ukuthi sibe lapha ^d. Uba uthanda, asakhe lapha amadumba amathathu, elinye ngelakho, lelinye ngelikaMozisi, lelinye ngelikaElija ^e. 5 Kwathi esakhuluma, khangela, iyezi elikhanyayo labasibekela; futhi khangela, ilizwi laphuma eyezini ^f, lisithi: Lo uyiNdodana yami ethandekayo, engithokoza ngayo ^g; zwanini yona ^h. 6 Sebezwile abafundi ⁱ, bawa phansi ngobuso babo, besaba kakhulu ^j. 7 Kodwa uJesu weza wabathinta wathi ^k: Sukumani lingesabi ^l. 8 Sebephakamisile amehlo abo, kababonanga muntu, ngaphandle kukaJesu yedwa ^m.

9 Sebesehla entabeni ⁿ, uJesu wabalaya, wathi: Lingatsheli muntu lowombono, ize ivuke kwabafileyo iNdodana yomuntu ^o. 10 Abafundi bakhe basebembuza bathi: Pho batsholoni ababhali ukuthi uElija ufanele ukufika kuqala ^p? 11 UJesu wasephendula wathi kubo: UElija uzafika kuqala isibili, uzabuyisela zonke izinto ^q; 12 kodwa ngitsho kini ukuthi uElija sewafika, kodwa kabamazanga ^r, kodwa benza kuye ^s konke ababekuthanda ^t; ngokunjalo leNdodana yomuntu izahlutshwa yibo ^u. 13 Abafundi basebeqedisisa ukuthi wakhuluma labo ngoJohane uMbhabhathizi ^v.

Ukusiliswa komfana owayelesithuthwane

14 Kwathi sebefikile exukwini, kweza kuye umuntu ^w waguqa phambi kwakhe wathi ^x: 15 Nkosi, akuhawukele indodana yami, ngoba ilesithuthwane iyahlupheka kakhulu; ngoba iwele kanengi emlilweni, futhi kanengi emanzini. 16 Njalo ngiyilethe kubafundi bakho, kodwa bebengelakho ukuyisilisa ^y. 17 UJesu wasephendula wathi: O sizukulwana esingelakholo lesonakeleyo ^z, koze kube nini ngilani? Koze kube nini ngilibekezelela ^aa? Mletheni kimi lapha. 18 UJesu waselikhuza, idimoni laseliphuma kuyo, umntwana wasesila kusukela kulelohola.

19 Abafundi basebesiza kuJesu bebodwa bathi: Kungani thina sehlulekile ukulikhupha? 20 UJesu wasesithi kubo: Kungenxa yokungakholwa kwenu ^ab. Ngoba ngiqinisile ngithi kini ^ac: Aluba lilokholo ^ad olunjengohlamvu lwemasitedi ^ae, lizakuthi kulintaba: Suka lapha uye laphaya; njalo izasuka; futhi kaliyikwehlulwa lutho ^af. 21 Kodwa loluhlobo kaluphumi ^ag ngaphandle kwangomkhuleko ^ah langokuzila ukudla ^{ai
,} ^aj.

UJesu uphinda akhulume ngokuhlupheka kwakhe

22 Besahlezi eGalili, uJesu wathi kubo ^ak: INdodana yomuntu isizanikelwa ezandleni zabantu, 23 njalo bazayibulala, kodwa ngosuku lwesithathu izavuswa ^al. Basebedabuka kakhulu ^am.

UJesu uthela umthelo

24 Kwathi sebefikile eKapenawume ^an, abemukela umthelo beza kuPetro bathi: Umfundisi wenu katheli yini ^ao? 25 Wathi: Yebo. Esengenile endlini, uJesu wamandulela wathi ^ap: Ucabangani, Simoni ^aq? Amakhosi omhlaba emukela kubani imfanelo ^ar kumbe imithelo ^as? Kumadodana abo yini, kumbe kwabezizwe? 26 UPetro wathi kuye: Kwabezizwe. UJesu wathi kuye: Ngakho-ke amadodana akhululekile. 27 Kodwa-ke ukuze singabakhubekisi ^at, hamba uye elwandle uphose ingwegwe, uthathe inhlanzi ezaphuma kuqala; kuzakuthi usuvule umlomo wayo uzathola imali ^{▼▼ imali: or, isitateri; phose umholo wensuku ezine}; uyithathe ubanike ibe ngeyami leyakho ^av.